Plantun de Prouvènço

Pèr coumpara dos planto d'encò nostre

Ceratophyllum demersum & Euphorbia illirica

Courniflo

Ceratophyllum demersum

Ceratophyllaceae

Autre noum : Limoun.

Noms en français : Cornifle nageant, Cératophylle immergé.

Descripcioun :
La courniflo es uno planto d'aigo devengudo coumuno dins d'ùni relarg au nostre. Trachis dins li palun o li roubino ounte l'aigo èi pas trop mouvadisso. A tipicamen un biais en co de reinard. Se recounèis majamen à si fueio verticillado pèr 4 à 10, que dounon d'èr à de corno (courniflo) o de bano s'amès mies. Aquesto planto mostro que l'aigo, richo en minerau (poulucioun agricolo), èi pas trop bono e souvènt pas gaire claro (fotò). Es uno planto interessanto dóu poun de vist filougenetico que sèmblo uno meno primitivo de dicoutiledone.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 3 m
Fueio : verticilado
Tipe bioulougico : Idroufite
Cicle bioulougico : Planto renadivo

Gènre : Ceratophyllum
Famiho : Ceratophyllaceae

Ordre : Ceratophyllales

Coulour de la flour : Brunello
Petalo : >6
Ø (o loungour) flour : 3 à 5 mm
Flourido : Printèms - Estiéu

Sòu : ges
Autour basso e auto : 0 à 600 m
Aparado : Noun
Mai à juliet

Liò : Aigo
Estànci : Termoumediterran à Coulinen
Couroulougi : Cousmoupoulito
Ref. sc. : Ceratophyllum demersum L., 1753

Lachusclo(-d'Irilìo)

Euphorbia illirica

Euphorbiaceae

Nom en français : Euphorbe poilue.

Descripcioun :
Es uno grando laschusclo que pòu faire mai d'un mètre d'aut. Trachis dins li relarg umide, proche de ribiero. Se recounèis à si tijo, fueio e boursèu pelous (fotò). Si boursèu soun berrugous e fan mai de 6 mm de diamètre. Coumpara emé la lachusclo-de-palun que trachis dins li mémi relarg e ié sèmblo proun.

Usanço :
Coume tóuti lis meno d'Euphorbia, aquesto éufòrbi es uno planto empouisounanto. Lou la que s'escoulo à la coupo èi di proun irritant pèr la pèu, lis iue e la bouco. Pamens, poudès vous n'en servi pèr crema li berrugo.

Port : Pichoto planto lignouso
Taio : 0,5 à 1,2 m
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Euphorbia
Famiho : Euphorbiaceae

Ordre : Malpighiales

Coulour de la flour : Verdo
Petalo : ges
Ø (o loungour) flour : 6 à 7 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Abriéu à juilet

Liò : Prado à rousèu - Prado umido - Roubino
Estànci : Mesoumediterran à Subremediterran
Couroulougi : Éurasiatico-Sud
Ref. sc. : Euphorbia illirica L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ceratophyllum demersum & Euphorbia illirica

ges

Coumpara Courniflo emé uno autro planto

Coumpara Lachusclo(-d'Irilìo) emé uno autro planto